Íbúðalánasjóður á hausinn ef húsnæðislán verða lækkuð um 20 prósent

Íbúðalánasjóður yrði gjaldþrota og ríkið þyrfti að leggja sjóðnum til meira en hundrað milljarða ef húsnæðislán yrðu lækkuð um tuttugu prósent.

Þetta kemur fram í nýrri skýrslu sem hefur verið lögð fram á Alþingi og greint var frá í kvöldfréttum RÚV.

þar kemur fram að fjármálaráðherra hafi fengið þrjá sérfræðinga til að kanna áhrif þess að lækka höfuðstól húsnæðislána um tíu til tuttugu og fimm prósent, að beiðni þingmanna Sjálfstæðisflokks. Ef miðað er við tuttugu prósent lækkun nemur beinn kostnaður ríkis og sveitarfélaga, samkvæmt skýrslunni, 172 milljörðum króna. Þetta eru um sjötíu prósent heildarkostnaðarins. Afgangurinn skiptist milli innlánsstofnana og lífeyrissjóða.

Hægt er að lesa fréttina í heild sinni á vef RÚV.