Tæplega 3.000 íbúðir í eigu lánadrottna

Tæplega 3.000 íbúðir eru nú í eigu lánadrottna, þ.e. Íbúðalánasjóðs, bankanna, sparisjóða og lífeyrissjóða. Þar af á Íbúðalánasjóður um 2.000 íbúðir, Arion banki, Landsbankinn, Íslandsbanki og þrír sparisjóðir 633 (miðað við stöðuna í lok árs 2011), slitastjórn Frjálsa fjárfestingabankans (Drómi) 217, og lífeyrissjóðir 32. Samtals áttu sparisjóðir 17 íbúðir.

Samtals gera þetta um 2.900 íbúðir.

Guðlaugur Þór Þórðarson, þingmaður Sjálfstæðisflokksins, spurði efnahags- og viðskiptaráðherra, Steingrím J. Sigfússon, af því í þinginu á dögunum Hversu margar íbúðir væru nú í eigu banka og lífeyrissjóða, sundurliðað eftir sveitarfélögum og póstnúmerum. Ráðherra hefur nú svarað og koma fyrrnefndar tölur, varðandi bankanna, þar fram. Þá er íbúðaeign sparisjóða og lífeyrissjóða sundurliðuð eftir póstnúmerum. Upplýsingar um íbúðaeign bankanna eftir póstnúmerum höfðu ekki borið til ráðuneytisins, að því er fram kemur í svari ráðherra.

Sjá má svar ráðherra við fyrirspurn Guðlaugs Þórs hér.