Hafa tekið yfirrekstur verðabréfa- fjárfestingasjóði Byrs

Í framhaldi af sameiningu Íslandsbanka og Byrs hafa Íslandssjóðir hf., dótturfyrirtæki Íslandsbanka, yfirtekið rekstur verðbréfa- og fjárfestingarsjóða Rekstrarfélags Byrs að því er fram kemur í tilkynningu frá Íslandsbanka.

Þar segir að Íslandssjóðir stýra og reka innlenda og alþjóðlega verðbréfa- og fjárfestingarsjóði fyrir einstaklinga og fagfjárfesta. Við þessa yfirtöku aukast eignir í stýringu hjá Íslandssjóðum. Þá fá fyrrum viðskiptavinir Byrs breiðara vöruúrval, en Íslandssjóðir starfrækir úrval verðbréfa- og fjárfestingarsjóða. Yfirtakan á rekstri sjóðanna var samþykkt af Fjármálaeftirlitinu þann 14. maí og mun yfirfærslan á eignum sjóðanna eiga sér stað þann 31. maí nk.

Um er að ræða alla sjóði Rekstrarfélags Byrs:

· Skuldabréfasjóðinn

· Alþjóða virðissjóðinn

· Alþjóða vaxtarsjóðinn

· Fyrirtækjasjóðinn (er í slitaferli)

Sjóðirnir munu starfa í óbreyttri mynd þar til annað verður ákveðið og verða því ekki aðrar breytingar að sinni.

Viðskiptavinum er bent á að hafa samband við ráðgjafa VÍB, eignastýringarþjónustu Íslandsbanka í síma 440 4900, eða aðra söluaðila Íslandssjóða til að fá frekari upplýsingar.