Grænar hækkunartölur í kauphöllinni

Gengi bréfa í félögum sem skráð eru á hlutabréfamarkað Nasdaq í Kauphöll Íslands hefur hækkað hjá þeim flestum í dag. Þannig hefur gengi bréfa í Össuri hækkað um 1,92 prósent og er gengi bréfa félagsins nú 212. Þá hefur gengi bréfa í Icelandair hækkað um 1,07 prósent og er gengi bréfa félagsins 6,6 þegar þetta er skrifað.

Gengi bréfa í færeyska félaginu Atlantic Petroleum (AP) hefur hækkað um 8,17 prósent í dag og er gengi bréfa félagsins nú 165. Gengi bréfa AP hefur sveiflast nokkuð mikið undanfarna mánuði, ýmist hækkað skarplega eða lækkað.

Gengi bréfa í Högum hefur lækkað um 1,32 prósent og er það nú 18,7. Þá hefur gengi bréfa í Marel hækkað um 0,52 prósent og er nú 158.

Sjá má nánari markaðsupplýsinga hér.