Hlutabréf hér hafa hækkað meira en á hinum Norðurlöndunum

Hlutabréfaviðskipti eru að glæðast aftur hér á landi eftir að hafa nær algjörlega hrunið til grunna mánuðina fyrir hrunið í október 2008 og síðan í kjölfar þess. Þannig hefur vísitala hlutabréfaviðskipta hér á landi, OMXI6ISK, hækkað úr 909 í 1.070 frá áramótum eða um sem nemur tæplega 18 prósent.

Þetta er nokkuð mikil hækkun sé horft til hlutabréfamarkaða á hinum Norðurlöndunum á þessu ári og þróun vísitalna þar. Þannig hefur vísitalan í Danmörku hækkað úr 390 í 443 á fyrrefndu tímabili, eða um 13,5 prósent, vísitalan í Finnlandi hefur lækkað úr 1.942 í 1881, eða um fjögur prósent, og þá hefur vísitalan í Svíðþjóð lækkað úr 987 í byrjun árs í 985 nú. Það er lækkun upp á 0,3 prósent.

Vísir.is er einni fréttavefur hér á landi sem býður lesendum upp á ítarlegar markaðsupplýsingar um skráðan hlutabréfa- og skuldabréfamarkað, en það er gert í samstarfi við Kelduna.is. Sjá má þær upplýsingar hér.