Spænska ríkið eignast 45% í einum stærsta banka landsins

Spænska ríkið hefur eignast 45 prósenta hlut í Bankia, þriðja stærsta banka Spánar með því að breyta skuldum í hlutafé. Frob, sérstökur björgunarsjóður í spænsku atvinnulífi, sem er í eigu ríkisins, mun halda á eignarhlutnum.

Seðlabanki Spánar tilkynnti í gærkvöldi að Bankia og móðurfélag spænska bankans, BFA, hafi tilkynnt stjórnvöldum að lang fýsilegasti kosturinn í stöðunni til að leysa fjárhagsvandræði Bankia væri að breyta lánum, sem ríkið veitti bankanum eftir hrun til að efla lausafjárvandræði hans, í hlutafé, en frá þessu er greint í Financial Times. Efnahagsráðuneyti Spánar sagði í tilkynningu í gærkvöldi að ríkisvæðing bankans væri nauðsynlegt fyrsta skref til að tryggja gjaldfærni Bankia og eyða óvissu.

Atvinnuástandið á Spáni er vægast sagt skelfilegt um þessar mundir en atvinnuleysið er komið yfir 24 prósent og í mars sl. var atvinnuleysið komið upp í 51 prósent hjá ungu fólki á aldrinum 20-25 ára, en inni í þeirri tölu eru einnig háskólamenntaðir. Hér má glöggva sig betur á atvinnuleysinu á Spáni.