Samdráttur í verslun í apríl

Tölvuverður samdráttur varð í flestum tegundum verslunar í apríl síðastliðnum miðað við sama mánuð í fyrra.

Samkvæmt Rannsóknartsetri verslunarinnar er ástæðan fyrir þessu fyrst og fremst sú að í fyrra voru fimm helgar í apríl en í ár voru þær aðeins fjórar og því minni neysla.

Velta í dagvöruverslun dróst saman um 4.0 prósent á föstu verðlagi í apríl miðað við sama mánuð í fyrra og jókst um 2.5% á breytilegu verðlagi. Leiðrétt fyrir árstíðabundnum þáttum jókst velta dagvöruverslana í apríl um 1.5% frá sama mánuði í fyrra.

Verð á dagvöru hefur hækkað um 6.8 prósent á síðastliðnum 12 mánuðum.

Þá dróst sala áfengis saman um 8.2 prósent miðað við sama mánuð í fyrra og um 3.9 prósent á breytilegu verðlagi. Verð á áfengi var 4.6% hærra í apríl síðastliðnum en í sama mánuði í fyrra.

Þá dróst húsgagnaverslun verulega saman í síðasta mánuði eða um 21.9 prósent.