Aukning ferðamanna tvöföld í apríl miðað við meðtalið í 11 ár

Ferðamönnum til landsins fjölgaði tvöfalt meira í apríl en nemur meðaltali síðustu 11 ára.

Þetta sýna tölur fyrir apríl úr talningu Ferðamálastofu á ferðamönnum sem fara um Leifsstöð. Samkvæmt þeim fóru um 37 þúsund erlendir ferðamenn frá landinu í aprílmánuði nýliðnum eða um fimm þúsund fleiri en í apríl í fyrra. Aukningin nemur 16,5% milli ára.

Á því ellefu ára tímabili sem Ferðamálastofa hefur talið ferðamenn í Leifsstöð hefur aukningin verið að jafnaði 8,2% milli ára í mánuðinum. Fjölginin á milli ára frá áramótum, eða á fyrsta ársþriðjungi, nemur 20,4%.