Reykjaneshöfn riftir öllum samningum við Íslenska kísilfélagið

Reykjaneshöfn hefur rift öllum samningum sínum við Íslenska kísilfélagið, þar sem félagið hefur ekki staðið við gerða samninga.

Þetta kemur fram í tilkynningu til Kauphallarinnar. Þar segir ennfremur að Reykjaneshöfn hafi undirritað kaupsamning um lóð, samning um lóðagjöld og hafnarsamning við Stakksbraut 9 ehf., sem hyggst reisa kísilver á lóðinni Stakksbraut 9 í Helguvík.

Að mati Reykjaneshafnar eru nýju samningarnir ekki lakari en þeir eldri sem gerðir voru við Íslenska kísilfélagið.