Gylfi Arnbjörnsson: Verðbólguvandinn óviðunandi

Gylfi Arnbjörnsson, forseti ASÍ, vill að ríkistjórnin grípi strax til aðgerða til að taka á verðbólguvandanum.

Forsendur kjarasamninga séu við það að bresta.

Verðbólgan mælist nú sex komma fjögur prósent sem langt yfir verðbólgumarkmiðið seðlabankans og hefur nærri þrefaldast frá sama tíma í fyrra.

Gylfi Arnbjörnsson, forseti ASÍ, segir ljóst að miðað við þetta séu forsendur kjarasamninga brostnar.

„Þetta er fjórða mánuðurinn í röð sem að verðbólga er langt yfir þeim væntingum sem við höfðum. og ljóst að ef maður skoðar þriggja mánaða mælinguna þá er þetta 12 prósent verðbólga miðað við heilt ár og það er algerlega óviðunandi," segir Gylfi.

Kjarasamningar koma til endurskoðunar í janúar á næsta ári. Gylfi segir að ríkisstjórni verði að bregðast við vandanum.

„Mér finnst það vera áhyggjuefni að hvorki af hálfu seðlabanka né stjórnvalda sé viðleitni til þess að bregðast við þessu. það er ljóst hvert stefnir það er búið að vera ljóst síðan seðlabankinná fjórða ársfjórðungi fór að spá meiri verðbólgu og ekki einu sinni svona mikilli og það skuli ekki vera tilefni efnahagsaðgerða til að sporna við því sem er að gerast," segir Gylfi.