Ætla að framleiða Senegal lúru á Reykjanesi

Gengið hefur verið frá byggingarleyfi fyrir nýja fiskeldisstöð sem byggð verður í landi Reykjanesbæjar á Reykjanesi.

Samkvæmt tilkynningu frá starfsþróunarstjóra Reykjanesbæjar er það fyrirtækið Stolt Sea Farms hefja eldi á svonefndri Senegal lúru nærri Reykjanesvirkjun í landi Reykjanesbæjar. Framkvæmdir eru að hefjast.

Framtíðaráætlanir gera ráð fyrir alls tæplega 60 þúsund fermetrum af byggingum á tæplega 9 hektara landi undir fiskeldið. Flatfiskurinn Senegal lúra er hátt verðlagður matfiskur sem nýtur síaukinna vinsælda á matborðum sérstaklega í Suður Evrópu.

Í fyrstu er ráðgert að framleiða 500 tonn af Senegal lúru en stefnt er að 5000 tonna framleiðslu.