Sturla fundaði með Ólafi Ragnari

Forseti Íslands Ólafur Ragnar Grímsson átti fund með Sturla Jónssyni vörubílstjóra og Arngrími Pálmasyni þar sem þeir greindu frá baráttu sinni og annarra borgara við að ná fram rétti sínum gagnvart fjármálastofnunum og uppboðsaðilum, en embætti forsetans greinir frá þessu á vefsíðu embættisins, forseti.is.

Samkvæmt upplýsingum frá skrifstofu forsetans hefur forsetinn oft á undanförnum misserum fundað með hagsmunaaðilum af þessu tagi.

Sturla Jónsson sagði í samtali við fréttastofu að þetta væri í þriðja sinn sem hann hefði fundað með forsetanum og hann og Arngrímur hefðu fengið klukkutíma áheyrn með honum að þessu sinni.