Stuðningsmenn Þóru safna undirskriftum í dag

Stuðningsmenn Þóru Arnórsdóttur hófu söfnun meðmælenda í morgun vegna forsetaframboðs hennar. Söfnun fer fram um allt land taka um það bil 320 manns þátt í henni.

Í tilkynningu frá Sigrúnu Þorgeirsdóttur, kosningastjóra framboðsins, munu 100 manns taka þátt í söfnuninni á höfuðborgarsvæðinu og 220 út um land.

Hópur fólks kom saman í heilsuverndarstöðinni að Barónsstíg 47 en þar verður aðalkosningaskrifstofa framboðsins. Þá kom fólk einnig saman á heimili Þóru og Svavars Halldórssonar í Hafnarfirði.

Skipulögð söfnun meðmælenda verður á að minnsta kosti 51 stað á landinu í dag og munu stuðningsmenn Þóru fara um flest sveitarfélög.

Þóra þarf að skila inn minnst 1.500 undirskriftum kosningabærra manna. Þá verða undirskriftirnar að koma með vissan fjölda úr hverjum ársfjórðungi.