Rekstrartap N1 fyrir síðasta ár voru 700 milljónir

Hagnaður fyrir afskriftir og fjármagnsliði nam 2.108 millj. kr. á árinu 2011 samanborið við tap árið áður að fjárhæð 3.240 millj. kr. Þetta kemur fram í nýsamþykktum ársreikning félagsins fyrir árið 2011 og finna má á heimasíðu N1.

Í árslok 2011 var gjaldfærð virðisrýrnun á fasteignum félagsins að fjárhæð 1.988 millj. kr. og nam rekstrartap ársins að teknu tilliti til virðisrýrnunarinnar og afskrifta 700 millj. kr.

Fjárhagslegri endurskipulagningu félagsins lauk á fyrri hluta ársins 2011. Vegna fjárhagslegu endurskipulagningarinnar eru tekjufærðar 4.805 millj. kr. í rekstrarreikningi og er hagnaður ársins 4.536 millj. kr. að teknu tiliti til tekjuskattsáhrifa.

Hagnaður fyrir skatta af reglulegri starfsemi, án áhrifa fjárhagslegrar endurskipulagningar og virðisrýrnunar fasteigna, nam 1.590 millj. kr.

Veltufé frá rekstri á árinu 2011 nam 2.269 millj. kr. en var neikvætt um 2.728 millj. kr. árið áður.

Eigið fé félagsins nam 13.323 millj. kr. þann 31. desember 2011 sem svarar til 50,6% eiginfjárhlutfalls.