Gjaldþrotum fyrirtækja fækkar um 15% milli ára

Í febrúar s.l. voru 106 fyrirtæki tekin til gjaldþrotaskipta samanborið við 131 fyrirtæki í febrúar 2011.

Eftir atvinnugreinum voru flest gjaldþrot í byggingarstarfsemi og mannvirkjagerð. Fyrstu 2 mánuði ársins 2012 er fjöldi gjaldþrota 195 sem er um 15% minnkun frá sama tímabili árið 2011 þegar 226 fyrirtæki voru tekin til gjaldþrotaskipta.

Þetta kemur fram á vefsíðu Hagstofunnar. Þar segir að í febrúar voru skráð 154 ný einkahlutafélög (ehf) samanborið við 124 einkahlutafélög í febrúar 2011.

Eftir atvinnugreinum voru flest einkahlutafélög skráð í heild- og smásöluverslun, viðgerðir á vélknúnum ökutækjum.

Heildarfjöldi nýskráðra einkahlutafélaga er 302 fyrstu 2 mánuði ársins.