Töluvert dregur úr veltunni á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 72. Þetta eru töluvert færri samningar en nemur meðaltali þeirra á viku undanfarna þrjá mánuði sem er 84 samningar.

Þetta kemur fram á vefsíðu Þjóðskrár Íslands. Af þessum 72 samingum voru 55 samningar um eignir í fjölbýli, 12 samningar um sérbýli og 5 samningar um annars konar eignir en íbúðarhúsnæði.

Heildarveltan var tæplega 1,9 milljarðar króna og meðalupphæð á samning 26,4 milljónir króna. Veltan er um 700 milljónum króna minni en nemur meðaltalinu á viku undanfarna þrjá mánuði.