Contraband malar enn gull í Bandaríkjunum

Kvikmynd Baltasars Kormáks, Contraband, er enn að mala gull í Bandaríkjunum.

Heildartekjur hennar eru komnar í rúmlega 73,5 milljón dollara eða yfir 9 milljarða króna, þar af eru tekjurnar utan Bandaríkjanna tæplega 10 milljónir dollara.

Þrátt fyrir að rúmlega mánuður sé síðan Contraband var frumsýnd vestan hafs var myndin í 15. sæti yfir mest sóttu kvikmyndir í Bandaríkjunum yfir helgina og nam miðasala helgarinnar rúmlega 1,2 milljónum dollara eða um 150 milljónum króna.