Þrotabú Landsbankans fer yfir tilboð í Iceland Foods

Verið er að skoða þau tilboð sem bárust inni í Iceland Foods verslunarkeðjuna samkvæmt upplýsingum frá þrotabúi Landsbankans. Reuters greindi frá því fyrr í dag að talið væri að fjárfestingasjóðirnir Bain Capital og BC Partners væru meðal þeirra sem hefðu gert tilboð í keðjuna.

Nú verður farið yfir tilboðin samkvæmt upplýsingafulltrúa þrotabúsins og geta liðið nokkrir dagar þangað til það skýrist.

Áætlað er að brúttóhagnaður Iceland á yfirstandandi reikningsári keðjunnar nemi um 225 milljónum punda eða tæpum 44 milljörðum króna. Þá hefur Iceland aukið hlut sinn á breska dagvörumarkaðinum úr 1,9% og í 2,1% á síðustu þremur mánuðum.

Eins og áður hefur komið fram vilja skilanefndir Landsbankans og Glitnis fá um 1,5 milljarða punda fyrir Iceland.