Útsvarið í toppi á þrettán stöðum af fimmtán

Reykjavíkurborg er eina sveitarfélagið af fimmtán stærstu sveitarfélögum landsins sem hækkaði útsvar á þessu ári. Þar hækkaði það úr 14,4% í 14,48%. Hin fjórtán sveitarfélögin halda útsvarpsprósentunni óbreyttu. Þetta eru niðurstöður Verðlagseftirlits ASÍ sem kannaði breytingar á útsvari og álagningu fasteignagjalda hjá 15 fjölmennustu sveitarfélögum landsins fyrir árið. Niðurstöður Verðlagseftirlitsins sýna líka að 13 af þeim 15 sveitarfélögum sem skoðuð voru, innheimta hámarks leyfilegt útsvar sem er nú 14,48%. Lægst er útsvarið 13,66% í Garðabæ og 14,18% á Seltjarnarnesi.

Niðurstöður Verðlagseftirlitsins sýna líka að fasteignaskattur á fjölbýli hækkar hjá allflestum sveitarfélögum um 0,5% upp í 48% þegar tekið er tillit til nýs fasteignamats sem tók gildi um áramót. Mesta hækkunin er hjá Ísafirði um 48%, í Setbergi í Hafnarfirði hækkar það um 21% og á Reyðarfirði í Fjarðarbyggð hækkar það um 20%. Aftur á móti lækkar gjaldið um 4% á Selfossi og Háaleiti/Skeifu og Fellum í Reykjavík.

Mesta hækkun fasteignaskatts fyrir sérbýli er á Ísafirði um 63% og á Völlum í Hafnarfirði um 30%. Fasteignaskatturinn lækkar á sérbýli í Háaleiti og Skeifu í Reykjavík um 7%, í Fellum í Reykjavík um 6% og á Selfossi um 4%.