Reikna með óbreyttum stýrivöxtum

Reikna má með að Seðlabankinn haldi stýrivöxtum sínum óbreyttum á næsta vaxtaákvörðunardegi sínum þann 8. febrúar næstkomandi þrátt fyrir að útlit sé fyrir áframhaldandi mikla verðbólgu en spáð er að verðbólgan fari í 6,3% í þessum mánuði.

Þetta kemur fram í Markaðsfréttum Íslenskra verðbréfa. Þar segir að það sem helst fóðrar verðbólguna núna eru gjaldskrárhækkanir ríkis, sveitarfélaga og opinberra fyrirtækja.

Til viðbótar hefur krónan verið að veikjast en gengi hennar hefur fallið um 1,4% frá áramótum.