Eignir og skuldir sjávarútvegsins álíka miklar

Heildareignir sjávarútvegs í árslok 2010 voru 559 milljarðar króna, heildarskuldir 500 milljarður og eigið fé 59 milljarðar.

Þetta kemur fram á vefsíðu Hagstofunnar. Þar segir að brúttóhagnaður sjávarútvegsfyrirtækja sem hlutfall af heildartekjum sjávarútvegsins dróst lítillega saman milli áranna 2009 og 2010.

Í fiskveiðum og -vinnslu lækkaði þetta hlutfall úr 31% í 28,9%, hækkaði í fiskveiðum úr 26,3% árið 2009 í 26,6% af tekjum árið 2010 og í lækkaði í fiskvinnslu úr 20,8% í 16,1%.

Hreinn hagnaður í sjávarútvegi, samkvæmt árgreiðsluaðferð, nam 19,8% árið 2010 samanborið við 22% árið áður. Sé miðað við hefðbundna uppgjörsaðferð er niðurstaðan 15,1% hagnaður 2010 samanborið við 14% hagnað árið 2009, enda gætir ekki beinna áhrifa af breytingum á gengi við mat á fjármagnskostnaði sé árgreiðsluaðferðin notuð.

Sjá nánari upplýsingar um tölur Hagstofunnar í Hagtíðindum.