Fyrirtæki hafa fengið 550 milljarða skuldir felldar niður

Eftirgjöf skulda hjá fyrirtækjum landsins frá hruninu 2008 nemur samtals tæpum 550 milljörðum króna eða sem svarar til þriðjungi af landsframleiðslu landsins.

Eru þá teknar saman tölur um niðurfellingu skulda við endurskipulagninu fyrirtækjanna og vegna nauðasamnina þeirra við lánadrottna sína, það er bankakerfi landsins. Til samanburðar nemur eftirgjöf skulda hjá almenningi um þriðjungi af þessari upphæð eða um 160 milljörðum króna.

Þetta kemur fram í nýrri greinargerð frá eftirlitsnefnd um framkvæmd sérstakrar skuldaðlögunar. Þar er miðað við stöðuna eins og hún var í lok september í fyrrahaust.

Langmest hefur verið fellt niður af skuldum fjárfestingar- og eignarhaldsfélaga eða tæplega 390 milljarðar króna sem er á bilinu 70% til 80% af heildarskuldum þeirra frá því fyrir hrunið.

Tekið skal fram að hér er eingöngu átt við fyrirtæki sem skulduðu yfir einn milljarð kr.