Fasteignaverð í borginni hækkaði um 10% í fyrra

Fasteignaverð á höfuðborgarsvæðinu hækkaði um rétt tæp 10% á síðasta ári. Þetta kemur fram á vefsíðu Þjóðskrár Íslands.

Þar segir að vísitala íbúðaverðs á höfuðborgarsvæðinu var 332,5 stig í desember síðastliðnum og hækkaði um 0,9% frá fyrri mánuði. Síðastliðna 3 mánuði hækkaði vísitalan um 2,0%, síðastliðna 6 mánuði hækkaði hún um 3,5% og síðastliðna 12 mánuði hækkaði hún um 9,9%.

Vísitala íbúðaverðs á höfuðborgarsvæðinu sýnir breytingar á vegnu meðaltali fermetraverðs.