FME: Sigurður var ekki hættur í stjórn Stapa

Að gefnu tilefni vill Fjármálaeftirlitið (FME) taka fram að stjórnarmaður í lífeyrissjóði sem eftirlitið vék nýlega frá störfum, var ekki hættur sem stjórnarmaður.

Viðkomandi hafði hætt sem aðalmaður í stjórn, en sat hins vegar áfram sem varamaður. Hér er um Sigurð Jóhannesson hjá lífeyrissjóðnum Stapa að ræða.

Þar sem sömu kröfur eru gerðar í lögum um hæfi allra stjórnarmanna lífeyrissjóða, einnig varamanna í stjórn, átti Fjármálaeftirlitið ekki annars úrkosti en að víkja honum, eins og reyndar kemur skýrt fram í fyrri tilkynningum um málið, að þvi er segir á vefsíðu eftirlitsins.