Viðskipti innlent

Enn er mikil velta á fasteignamarkaðinum

Mikil velta er áfram á fasteignamarkaðinum á höfuðborgarsvæðinu. Alls var þinglýst 123 kaupsamningum um fasteignir í borginni í síðustu viku en það er 18 samningum meira en nemur meðaltalinu á viku undanfarna þrjá mánuði.

Heildarveltan nam tæpum 3,5 milljörðum króna sem er hátt í hálfum milljarði króna meiri veltan en nemur fyrrgreindu vikumeðaltali.

Af þessum 123 samningum voru 97 um eignir í fjölbýli, 24 samningar um eignir í sérbýli og 2 samningar um annars konar eignir. Þetta kemur fram á vefsíðu Þjóðskrár Íslands.



Mest lesið


Fleiri fréttir

Sjá meira


×

Mest lesið