Samtökin 78 bjóða þingmönnum í bíó

Samtökin 78, sem eru samtök samkynhneigðra hér á landi, hafa boðið öllum þingmönnum á kvikmyndina Call me Kuchu, sem sýnd er í Bíó Paradís.

Í tilkynningu frá samtökunum segir að markmiðið með boðinu sé að opna augu þingmanna fyrir grófum mannréttindabrotum gegn samkynhneigðum víða um heim, ekki síst í Úganda, þar sem eitt slíkt mál er að velkjast í dómskerfinu og hefur vakið heimsathygli.

Myndin er sýnd í Bíó Paradís á vegum RIFF kvikmyndahátíðarinnar.