Grandi hækkar um tæp 6 prósent í litlum viðskiptum

Gengi bréfa í HB Granda, sem skráð er á First North markaðinn í Kauphöll Íslands, hækkaði um 5,93 prósent í dag og er gengi bréfa félagsins nú 14,3. Lítil viðskipti voru á bak við þessa hreyfingu á genginu, eða aðeins upp á um 338 þúsund krónur.

Vísitala hlutabréfamarkaðarins hækkaði um 0,87 prósent og er hún nú 985 stig. Mest var hækkunin á bréfum Marels, eða 1,89 prósent en félagið lækkaði um tæplega þrjú prósent á markaðnum í gær. Gengi bréfa félagsins er nú 135. Þá hækkaði gengi bréfa fasteignafélagsins Regins um 0,46 prósent og er gengið nú 8,73.

Sjá má ítarlegri upplýsingar um gang mála á íslenska markaðnum hér.