Mjólkin selst óvenju vel

Mjólkurvörur seldust betur í ágúst á þessu ári en í sama mánuði í fyrra. Landsamband kúabænda telur öruggt að mjólkurfernur með skrúfutappa falli neytendum vel í geð og hafi jákvæð áhrif á söluna.

Það er ekki bara sala á drykkjarmjólk sem er óvenju góð, því sala á smjöri eykst umtalsvert milli ára. 20% meira seldist af smjöri í ágúst í ár en í fyrra. Landsambandið hefur ekki skýringu á smjörsölunni á reiðum höndum. Aftur á móti reynist þeim auðvelt að skýra mjög góða sölu á rjóma þetta árið en hún orsakast væntanlega af mikilli berjasprettu í ár.