Hefur endurreiknað öll húsnæðislán í erlendum myntum

Íslandsbanki vill árétta vegna frétta um dóm Hæstaréttar sem kvað á um að húsnæðislán Íslandsbanka í erlendri mynt væri löglegt erlent lán að bankinn hefur nú endurreiknað öll húsnæðislán bankans í erlendum gjaldmiðlum.

Þetta kemur fram í tilkynningu. Þar segir einnig að öll erlend lán sem tryggð voru með veði í íbúðarhúsnæði hafi verið endurreiknuð. Þar með hefur bankinn gengið lengra í endurreikningi erlendra húsnæðislána en lög frá Alþingi kveða á um.

Íslandsbanki mun halda viðskiptavinum sínum vel upplýstum þegar búið er að yfirfara dóminn.