Ásókn í nám tengt sjávarútvegi eykst verulega

Yfir 40% aukning er í aðsókn í skóla sem tengjast sjávarútvegi Þetta kemur fram í tilkynningu frá Íslenska sjávarklasanum.

Þar segir að nú séu teikn á lofti um að vaxandi áhugi sé á meðal ungs fólks fyrir námi í sjávarútvegi og tengdum greinum. Í þeim skólum sem Íslenski sjávarklasinn fékk upplýsingar um jókst aðsókn í greinar sem tengjast sjávarútvegi um 46% á milli áranna 2011 og 2012 sem er mun meira en um margra ára skeið.

Þessu þarf að fylgja eftir með því að styrkja enn frekar undirstöður náms á þessu sviði og efla samstarf atvinnulífs og skóla, að því er segir í tilkynningunni.