Tölvur og net hjá 99% fyrirtækja landsins

Tölvur og nettengingar eru til staðar hjá 99% íslenskra fyrirtækja með 10 eða fleiri starfsmenn.

Fyrirtækjum með eigin vefsíður, eða vefsetur, hefur fjölgað frá árinu 2010 og eru þau nú 86% fyrirtækja með 10 eða fleiri starfsmenn.

30% fyrirtækja af þeirri stærð eru með starfandi sérfræðing í upplýsingatækni og 67% nettengdra fyrirtækja veita starfsfólki þráðlaus tæki til að tengjast neti utan vinnustaða.

Þetta kemur fram á vefsíðu Hagstofunnar. Þar segir að þráðlaus tæki til að tengjast neti utan vinnustaða var sérstakt viðfangsefni rannsóknar Hagstofu Íslands á tölvu- og netnotkun fyrirtækja.