Mús í Urriðamaga

Veiðimaðurinn Gísli P skellti sér í Kelifarvatn fyrir fáeinum dögum. þar fékk hann 3 punda urriða sem honum þótti nú heldur mjósleginn og alls ekki þykkur á kviðinn. þegar hann gerði að fiskinum kom í ljós að þessi fiskur hafði gleypt hagamús í heilu lagi eins og sjá má á meðfylgjandi mynd.

 

Þetta er alls ekki einsdæmi um græðgi og grimmd urriða því það er alþekkt t.d. í Laxá í Mývatnssveit að urriðinn grípur litlu ungana á fyrstu dögunum þegar þeir leggja út í ánna og stundum hafaf fundist nokkrir ungar í einum og sama urriðanum. Nokkur ár eru síðan minkur fannst í maga urriða fyrir norðan og verður maður þá að spyrja sig að því hvort það sé einhver slagur um stöðu í fæðukeðjunni við Laxá?

 

Til eru veiðiflugur sem líkja eftir t.d. mús og það eru nokkrir menn sem hafa náð góðum tökum á því að finna og setja í stóru urriðana á þessar flugur.