FME vildi að forstjóri VÍS hætti

Fjármálaeftirlitið taldi rétt að Guðmundur Örn Gunnarsson, forstjóri Vátryggingafélags Íslands, viki úr starfi vegna óeðlilegrar lánastarfsemi sem átti sér stað í félaginu á árunum 2008-2010. Þetta er fullyrt í Viðskiptablaðinu sem kemur út á morgun.

Blaðið segir að lánin sem um ræði hafi meðal annars verið veitt til móðurfélags VÍS, Existu, starfsmanna VÍS og annarra aðila innan Existu-samstæðunnar. Viðskiptablaðið segir að þau hafi mörg hver verið veitt eftir bankahrun. Meðal annars til að lántakendurnir gætu mætt fasteignarskuldbindingum sínum.

VÍS tilkynnti í fyrradag að Guðmundur myndi hætta störfum hjá fyrirtækinu.