Jól

Sálmur 78 - Í dag er glatt í döprum hjörtum

Valdimar Bríem W.A. Mozart - Sb. 1886 Í DAG er glatt í döprum hjörtum, því Drottins ljóma jól. Í niðamyrkrum nætur svörtum upp náðar rennur sól. Er vetrar geisar stormur stríður, þá stendur hjá oss friðarengill blíður, og þegar ljósið dagsins dvín, oss Drottins birta kringum skín. Oss Drottins birta kringum skín. Oss öllum mikinn fögnuð flytur sá friðarengill skær: Sá Guð, er hæst á himni situr, er hér á jörð oss nær. Sá Guð, er ræður himni háum, hann hvílir nú í dýrastalli lágum, sá Guð, er öll á himins hnoss, varð hold á jörð og býr með oss. Varð hold á jörð og býr með oss. Guðs lýður, vertu' ei lengur hræddur og lát af harmi' og sorg. Í dag er Kristur Drottinn fæddur í Davíðs helgu borg. Hann fjötrum reifa fast er vafinn, í frelsi barna Guðs svo þú sért hafinn. Hann þína tötra tók á sig, að tign Guðs dýrðar skrýði þig. Að tign Guðs dýrðar skrýði þig. Á himni næturljósin ljóma svo ljúft og stillt og rótt, og unaðsraddir engla hljóma þar uppi' um helga nótt. Ó, hvað mun dýrðin himins þýða, og hvað mun syngja englaraustin blíða? Um dýrð Guðs föður, frið á jörð og föðurást á barnahjörð. Og föðurást á barnahjörð. Ó, dýrð sé þér í hæstum hæðum, er hingað komst á jörð. Á meðan lifir líf í æðum, þig lofar öll þín hjörð. Á meðan tungan má sig hræra, á meðan hjartað nokkuð kann sig bæra, hvert andartak, hvert æðarslag Guðs engla syngi dýrðarlag. Guðs engla syngi dýrðarlag.


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



Velkomin á Vísi. Þessi vefur notar vafrakökur. Sjá nánar.