Dýrmætasta gjöfin

Ljósmyndabækur og dagatöl með persónulegum ljósmyndum eru jólagjafir sem kæta hjörtu allra sem hljóta. Minningar úr sumarleyfinu, frá fermingardeginum eða öðrum einstökum viðburðum innan fjölskyldunnar eru oft dýrmætasta jólagjöfin og sú sem hittir beint í mark,“ segir Egill Ingi Jónsson, eigandi Myndvals, sem eftir 20 ár í Mjóddinni hefur flutt sig um set yfir á Smáratorg, nánar tiltekið í verslunarrými A4. „Nú fyrir jólin bjóðum við í fyrsta sinn upp á myndabók með óþrjótandi möguleikum á útliti og útfærslum. Bókina er leikur einn að gera eftir að sótt er lítið forrit á heimasíðuna okkar. Í forritinu getur fólk dundað sér við að setja inn myndir að óskum í bókina, texta og minningar, og leikið sér að útliti hennar eftir smekk hvers og eins. Þegar bókin er tilbúin er hún ýmist send til okkar í gegnum netið, sett á disk eða minnislykil og við tökum við verkinu með framköllun á ljósmyndapappír sem við svo setjum saman í fallega og eigulega bók,“ útskýrir Egill, en á úrvals ljósmyndapappír verður bókin áferðarfallegri og varanlegri, rétt eins og dæmigert myndaalbúm. Í forritinu sem sótt er á heimasíðu Myndvals opnast líka tækifæri til að útbúa dagatal með myndum að eigin vali fyrir hvern mánuð ársins. „Dagatalið er unnið á sama hátt og myndabókin og hægt að leika sér með afmælisdaga, raða inn frídögum og fleiru skemmtilegu sem gleður þann sem nýtur þess á ári komanda,“ segir Egill sem eftir útprentun setur dagatölin ýmist á fót til að hafa á borði eða í stærri útgáfu til upphengingar. Fyrir jólin býður Myndval einnig upp á myndajólakort með umslagi. Þau fást einhliða í þremur stærðum, þar sem ljósmynd og jólakveðja er áprentuð, en einnig fást opnanleg jólakort þar sem unnt er að handskrifa jólakveðju. „Eftir að dagatöl og myndabækur viðskiptavina er komið í okkar hendur tekur um þrjá daga að fullvinna verkið. Þá er alltaf hægt að koma til okkar í búðina og ganga frá málum á staðnum. Verslunin er þekkt fyrir mikið og gott úrval myndaramma og sjón sögu ríkari að skoða allt í með eigin augum,“ segir Egill brosmildur í jólaskapi á nýjum stað. Heimasíða Myndvals er www.myndval.is. Nýja verslunin er á Smáratorgi 1, inni í verslunarrými A4.