Og allir að hoppa svo! Trausti Júlíusson skrifar 6. júní 2011 10:30 Tónlist Don't Want to Sleep. FM Belfast. FM Belfast sló í gegn svo um munaði með fyrstu plötunni sinni How to Make Friends sem kom út haustið 2008. Það getur verið erfitt að fylgja eftir svo vel heppnaðri frumsmíð, en meðlimir FM Belfast hafa greinilega ákveðið að flana ekki að neinu og nú, tæpum þremur árum seinna, er plata númer tvö loksins komin út. How to Make Friends var elektrópopp partíplata sem einkenndist af flottum töktum, grípandi melódíum og ýktum falsettu-viðlögum sem maður gat ekki annað en sungið með. Sama lýsing gæti að miklu leyti átt við um Don't want to Sleep. Stuðið er enn til staðar og viðlögin eru enn jafn grípandi. Hins vegar hafa þau Árni Rúnar, Lóa, Árni Vilhjálms og Örvar unnið mikið í hljómnum. Nýja platan er mun fjölbreyttari tónlistarlega. Það er fullt af flottum lögum hér. I Don't Want to go to Sleep Either er smellur (myndbandið má sjá hér fyrir ofan) og það sama er hægt að segja um upphafslagið Stripes, hið rokkaða Noise og lögin American, Believe, We Fall, Vertigo og hið skemmtilega gerviefnalega Mondays. Það eru ellefu lög á Don't Want to Sleep og þau eru flest góð þó að platan detti aðeins niður á endasprettinum. Don't Want to Sleep er á heildina litið fínt framhald af How to Make Friends. Tónlistin hefur þróast töluvert, en gleðin er enn þá til staðar. Mann langar að dansa, eða allavega hoppa og baða út öllum öngum þegar maður hlustar á hana. Gaman. Niðurstaða: Þó að tónlistin hafi þróast er stuðið á sínum stað á FM Belfast plötu númer tvö. Mest lesið Langaði að passa inn en nýtur þess nú að skera sig úr Tíska og hönnun Sweeney sökuð um kynþáttahyggju Lífið Fyrstu tónleikar Purrksins í fjörutíu ár Lífið Katrín Edda selur í Hlíðunum Lífið Sjóðheitt og splunkunýtt Hollywood par Lífið Þriggja ára snáði stal senunni í messu í Fljótshlíð Lífið Ræðir það ekki í fjölskylduboði ef þú hittir frænda þinn á swing-viðburði Lífið Sögulegur klæðnaður á dreglinum Lífið „Ekkert okkar grunaði að hann myndi fara þessa leið“ Lífið Katy Perry og Justin Trudeau á stefnumóti Lífið Fleiri fréttir Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira
Tónlist Don't Want to Sleep. FM Belfast. FM Belfast sló í gegn svo um munaði með fyrstu plötunni sinni How to Make Friends sem kom út haustið 2008. Það getur verið erfitt að fylgja eftir svo vel heppnaðri frumsmíð, en meðlimir FM Belfast hafa greinilega ákveðið að flana ekki að neinu og nú, tæpum þremur árum seinna, er plata númer tvö loksins komin út. How to Make Friends var elektrópopp partíplata sem einkenndist af flottum töktum, grípandi melódíum og ýktum falsettu-viðlögum sem maður gat ekki annað en sungið með. Sama lýsing gæti að miklu leyti átt við um Don't want to Sleep. Stuðið er enn til staðar og viðlögin eru enn jafn grípandi. Hins vegar hafa þau Árni Rúnar, Lóa, Árni Vilhjálms og Örvar unnið mikið í hljómnum. Nýja platan er mun fjölbreyttari tónlistarlega. Það er fullt af flottum lögum hér. I Don't Want to go to Sleep Either er smellur (myndbandið má sjá hér fyrir ofan) og það sama er hægt að segja um upphafslagið Stripes, hið rokkaða Noise og lögin American, Believe, We Fall, Vertigo og hið skemmtilega gerviefnalega Mondays. Það eru ellefu lög á Don't Want to Sleep og þau eru flest góð þó að platan detti aðeins niður á endasprettinum. Don't Want to Sleep er á heildina litið fínt framhald af How to Make Friends. Tónlistin hefur þróast töluvert, en gleðin er enn þá til staðar. Mann langar að dansa, eða allavega hoppa og baða út öllum öngum þegar maður hlustar á hana. Gaman. Niðurstaða: Þó að tónlistin hafi þróast er stuðið á sínum stað á FM Belfast plötu númer tvö.
Mest lesið Langaði að passa inn en nýtur þess nú að skera sig úr Tíska og hönnun Sweeney sökuð um kynþáttahyggju Lífið Fyrstu tónleikar Purrksins í fjörutíu ár Lífið Katrín Edda selur í Hlíðunum Lífið Sjóðheitt og splunkunýtt Hollywood par Lífið Þriggja ára snáði stal senunni í messu í Fljótshlíð Lífið Ræðir það ekki í fjölskylduboði ef þú hittir frænda þinn á swing-viðburði Lífið Sögulegur klæðnaður á dreglinum Lífið „Ekkert okkar grunaði að hann myndi fara þessa leið“ Lífið Katy Perry og Justin Trudeau á stefnumóti Lífið Fleiri fréttir Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira