Mörg verk seld á eða yfir matsverði hjá Gallerí Fold

Mörg verk seldust á eða yfir matsverði á fyrri hluti listaverkauppboðs Gallerís Foldar fór fram í gærkvöld fyrir fullu húsi.

Í tilkynningu segir að verkið "Eyjafjallajökull séður frá Vestmannaeyjum" eftir Ásgrím Jónsson var selt á tæplega 5,2 milljónir króna með uppboðsgjöldum. Verkið málaði Ásgrímur í Vestmannaeyjum 1905 þar sem hann var í heimsókn. Þetta er töluvert yfir matsverði verksins sem var þrjár til 3,5 milljónir króna.

Þá seldust verk eftir Kristínu Jónsdóttur á 1,2 milljónir króna sem er matsverð og verk eftir Jóhannes S. Kjarval á tæplega 2,2 milljónir króna sem er rétt yfir matsverði.

Fjöldi annarra verka seldust einnig yfir matsverði og má þar nefna verk eftir listamennina Steingrím Eyfjörð, Karólínu Lárusdóttur, Valtý Pétursson og Jóhannes Jóhannesson.