Hagnaður Nýherja 64 milljónir

Heildarhagnaður Nýherja nam 64 milljónum króna á fyrsta ársfjórðungi ársins. Fyrirtækið tapaði hins vegar 130 milljónum króna á sama tímabili í fyrra. EBITDA var 160 milljónir króna á fyrta ársfjórðungi núna en var 35 milljónir króna á tímabilinu á undan. Þetta kemur fram í ársfjórðungsuppgjörinu sem Nýherji birti í dag.

Þórður Sverrisson, forstjóri Nýherja, er sáttur við niðurstöðuna. „Afkoma erlendrar starfsemi var ágæt og nam EBITDA 55 milljónum króna samanborið við 3 milljónir króna á síðasta ári. Með breytingum á skipulagi innlendrar starfsemi, sem tók gildi 1. apríl síðastliðinn, skapast tækifæri til að ná auknum slagkrafti í rekstri samstæðunnar með færri og sterkari einingum, þannig að mæta megi betur síbreytilegum þörfum viðskiptavina okkar,“ segir Þórður í tilkynningu vegna þessa.