Matarmiklir jólapakkar hitta í mark

Það er óhætt að segja að það sé óvænt veisla í jólapökkunum frá Stórkaup. Jólaandinn stígur upp úr kassanum um leið og hann er opnaður. "Stórkaup býður upp á fjóra tilbúna jólapakka,“ segir Jón Ingvar Bragason, rekstrarstjóri Stórkaups. "Við erum með þrjár gerðir af hefðbundnum pökkum og eina nýjung sem við köllum smáréttapakkann sem er einnig tilvalinn í áramótaboðið. Í pökkunum má finna hamborgarahrygg, hangikjöt og ýmislegt annað góðgæti eins og jólapylsu, parmaskinku, paté og úrval af ostum svo dæmi sé tekið en samsetning pakkanna þriggja er mismunandi. Smáréttapakkinn er aðeins öðruvísi, enda ætlaður í áramótaborðið en þar er að finna grafið lambafille, grafinn nautavöðva, taðreykt lambainnralæri og úrval af paté og ostum.“ Jón Ingvar segir að Stórkaup hafi byrjað að bjóða jólapakkana í fyrra og þeir hafi strax orðið mjög vinsælir. ,,Fyrirtækin tóku þessu gríðarlega vel svo í ár ákváðum við að bæta við smáréttapakkanum, sem er léttari karfa og virðist ætla að hitta í mark. Það er tilvalið fyrir fyrirtæki að gefa starfsmönnum sínum jólapakka frá Stórkaup og svo er jafnvel er hægt að bæta vínflöskunni við. Einstaklingar geta líka pantað og við bjóðum einnig upp á að senda pakka um allt land. Jón Ingvar segir að auk jólapakkana þá sé Stórkaup með allt fyrir veisluna og jólahlaðborðið. ,,Það er bara um að gera að kíkja í heimsókn í Faxafen 8 eða að hafa samband,“ segir hann og brosir.