Eignir lífeyrissjóða tæpir 1.900 milljarðar

Hrein eign lífeyrissjóða í lok nóvember sl. var 1.893,5 milljarða kr. og hækkaði hún um 41,2 milljarða kr. í mánuðinum eða um 2,2%.

Þetta kemur fram í hagtölum Seðlabankans. Þar segir að í nóvember hækkaði innlend verðbréfaeign um tæpa 62 milljarða kr. Hækkunina má að stórum hluta rekja til aukningar á eign lífeyrissjóða á Íbúðarbréfum um 50 milljarða kr.

Erlend verðbréfaeign lækkaði í nóvember um 27 milljarða kr. Sé miðað við nóvember 2009 hefur hrein eign lífeyrissjóða hækkað um 144,8 milljarða kr. eða 8,3%.

Vert er að taka fram að enn er nokkur óvissa um endanlegt mat á eignum lífeyrissjóðanna, að því er segir í hagtölunum.