House of Fraser til sölu

Skilanefnd Landsbanka Íslands íhugar að selja 35% hlut í House of Fraser, eftir því sem fullyrt er á vef Daily Mail.

Blaðið fullyrðir að fagfjárfestar og stjórnendur fyrirtækisins séu líklegir kaupendur. Heimildarmaður, nátengdur Landsbankanum, segir í samtali við Daily Mail að viðræður séu á byrjunarstigi. House of Fraser var í eigu Baugs en skilanefnd Landsbankans yfirtók fyrirtækið þegar Baugur fór í þrot.

Daily Mail segir hins vegar að hvorki talsmenn House of Fraser né talsmenn Landsbankans hafi viljað tjá sig um málið.