Brimborg afhentir Ístaki hjólaskóflu í Noregi

Ístak hefur fest kaup á tveimur risahjólaskóflum hjá Brimborg sem verða notaðar við gangnagerð, annarsvegar við Búðarhálsvirkjun og hinsvegar í Noregi en hjólskóflan til verksins í Noregi var einmitt afhent fyrir helgina í Tosbotn í Norður Noregi.

Tosbotn er eins og áður segir norðarlega í Noregi, nánar tiltekið eru hnitin 65°19'15'' norður og 12°57'16'' í austur og mátti vel finna það á kuldanum á svæðinu að sögn Ólafs Árnasonar starfsmanns Brimborgar sem var á staðnum. Veður hefur þó verið almennt verið með ágætum. Hitinn sveiflast um og undir frostmarki en það kemur þó ekki að sök þar sem Volvo vinnuvélar eru notaðar við afar krefjandi aðstæður um allan heim.

Hjólaskóflan verður notuð við gangnagerð vegna vegaframkvæmda við aðstæður sem svipar nokkuð til vegstæðisins við Ólafsfjarðarmúla fyrir vestan. Vegurinn liggur utan í brattri hlíð sem áhættusamt getur verið að aka og munu göngin verða mikil samgöngubót á þessu svæði í Noregi.

Það er sem áður segir Ístak sem vinnur verkefnið og eru göngin kölluð Malvikhammartunnel og verða þau 2,7 kílómetra löng. Göngin verða nánar tiltekið í Tosenfjord og er gert ráð fyrir að gangnagerðinni ljúki í desember á næsta ári. Göngin munu stuðla að betra öryggi vegfarenda en nokkuð er um grjóthrun og snjóflóð í hlíðinni.

Volvo hjólaskóflan mun hafa nóg að gera við að flytja 250 þúsund rúmmetra af efni úr göngunum og munu afköst hjólaskóflunnar tryggja góðan framgang verksins. Afar mikilvægt er með vinnutæki sem þessi að þau nýtist sem best og hafa Volvo vinnuvélar afar gott orðspor fyrir að nýta starfsfólk og tíma sem best. Til dæmis má reka hjólaskófluna á vaktakerfi sem þýðir að hún er nánast stanslaust í notkun.