Skuldir sjávarútvegsins voru 564 milljarðar 2009

Heildareignir sjávarútvegs í árslok 2009 voru 590 milljarðar króna, heildarskuldir 564 milljarður kr. og eigið fé jákvætt um tæpa 27 milljarða kr.

Hagnaður sjávarútvegsfyrirtækja fyrir afskriftir, fjármagnskostnað og tekjuskatt sem hlutfall af heildartekjum sjávarútvegsins jókst milli áranna 2008 og 2009.

Í fiskveiðum og vinnslu hækkaði þetta hlutfall (án milliviðskipta) úr 27,4% í 31%, í fiskveiðum úr 25% árið 2008 í 26,3% af tekjum árið 2009 og í fiskvinnslu úr 17% í tæplega 21%.

Hreinn hagnaður, samkvæmt árgreiðsluaðferð, í sjávarútvegi árið 2008 nam 22% samanborið við 19,1% hagnað árið áður. Hagnaður var áfram á rekstri mjölvinnslu og á rekstri loðnuskipa á árinu 2009.

Þessar niðurstöður eru meðal efnis í nýju hefti Hagtíðinda þar sem birtar eru niðurstöður athugana Hagstofunnar um fiskveiðar og fiskvinnslu fyrir árið 2009.