Það hefur verið góður gangur víða á sjóbirtingsslóðum fyrir austann síðustu daga. Stangveiðifélag keflavíkur hefur marga ánna þar á sínum snærum og tröllin hafa verið að koma upp þar þegar veðrið hefur gengið niður. Hér er frétt frá SVFK:
"Við sögðum í gær frá stærstu sjóbirtingum vertíðarinnar hingað til úr Geirlandsá og fengum í kjölfarið sendar myndir af fiskinum sem var 6,5 kg. samanrekinn sjóbirtingshængur veiddur á maðk í Kleifarnefi. Veiðimaðurinn er Falur Daðason og var hann heldur betur í stuði í túrnum því hann landaði einnig 5,5 kg. fisk á spón á sama stað 30 mínútum fyrr. Þá fékk hann einnig 3,5 kg fisk á sama stað um morguninn og 3 kg. lax úr Ármótunum. Eins og við sögðum frá í gær þá fékk Halldór Magnússon einnig boltafisk sem reyndist vera 6,3 kg. hængur fisk úr Kleifarnefinu einnig. Sannkallað stórfiskaholl. Annars fékk hollið sem var við veiðar dagana 26.-28. sept. 18 fiska."
Meira á https://svfk.is/
Fram
Víkingur R.
