Birkir Már tryggði Brann sigur og nafni hans hjá Viking lagði upp mark

Birkir Már Sævarsson var hetja Brann í norsku úrvalsdeildinni í dag þegar hann skoraði eina mark leiksins þegar Brann vann 1-0 sigur á Sarpsborg 08. Viking vann 2-0 sigur á Lillestöm í Íslendingaslagnum þar sem Birkir Bjarnason lagði upp fyrra markið.

Birkir Már Sævarsson skoraði sigurmarkið sitt strax á fjórðu mínútu leiksins eftir flotta sókn og óeigingjarna sendingu frá Kim Ojo. Birkir Már lék allan leikinn í hægri bakverðinum.

Þetta var aðeins annað mark Birkis á tímabilinu en hann skoraði einnig í 1-4 tapi á móti Lilleström í apríl.

Birkir Bjarnason lagði upp annað mark Viking í 2-0 sigri á Lilleström. Birkir spilaði fyrstu 86 mínúturnar en Indriði Sigurðsson lék allan tímann.

Stefán Logi Magnússon og Stefán Gíslason léku allan leikinn með Lilleström en Björn Bergmann Sigurðarson er meiddur.

Andrés Már Jóhannesson sat allan tímann á bekknum þegar Haugesund tapaði 0-1 á útivelli á móti Odd Grenland.