Bráðabirgðatölur úr Soginu

Bráðabirgðatölur af svæðum SVFR í Soginu eru 752 laxar. Ef að líkum lætur er um að ræða annað besta laxveiðiárið í Sogi frá því skráningar hófust.

Tölur SVFR byggjast á veiðinni úr Bíldsfelli, Ásgarðir og Alviðru, auk laxveiðitalna úr Þrastalundi. Um veiðina á Syðri-Brú og Torfastöðum er ekki vitað, enda þau svæði ekki á könnu félagsins.

Væntanlega er hér um að ræða annað mesta laxveiðiárið líkt og áður segir, og slær út veiðina sumarið 2009 þegar að 760 laxar voru skráðir til bókar. Hins vegar stendur metveiðisumarið 2010 vel upp úr en þá fengust í Soginu á fjótánda hundrað laxar. Má telja líklegt að heildarveiðin í ánni slái hátt í 900 laxa með öðrum svæðum.

Veiðin á svæðum SVFR skiptist á eftirfarandi hátt:

Ásgarður 237

Bíldsfell 387

Alviðra 88

Þrastarlundur 40

Athygli vekur dræm veiði í Alviðru miðað við önnur svæði, en tíðar selaferðir upp í Sogið undanfarin ár virðast ýta laxinum ítrekað upp fyrir Álftavatn.

Sem fyrr voru stórir laxar á sveimi. 104 sm lax er skráður til bókar í Ásgarði, 105 sm lax er skráður í Bíldsfelli í lokunarhollinu og vitað er um einn 10.2kg lax úr Þrastarlundi.

Birt með góðfúslegu leyfi SVFR