Birkir skoraði sjálfsmark

Landsliðsmaðurinn Birkir Bjarnason varð fyrir því óláni að skora sjálfsmark þegar að lið hans, Viking, tapaði fyrir Odd Grenland, 4-2.

Birkir átti þó stóran þátt í síðara marki síns liðs. Hann skaut föstu skoti að marki utan vítateigs en boltinn breytti um stefnu á liðsfélaga hans, Erik Nevland, sem fékk markið skráð á sig.

Nevland skoraði einmitt fyrra mark Viking í leiknum - með þrumuskoti eftir langa sendingu frá Indriða Sigurðssyni.

Indriði lék allan leikinn en Birkir kom inn á völlinn í hálfleik. Viking er í þrettánda sæti deildarinnar af sextán liðum, með 23 stig. Liðin í 9.-13. sæti eru reyndar öll með 23 stig.