Slæm umgengni við veiðivötn á Arnarvatnsheiði Karl Lúðvíksson skrifar 22. júní 2011 13:25 Í gærkvöldi voru Snorri Jóhannesson veiðivörður og Guðmundur Kristinsson formaður Veiðifélags Arnarvatnsheiðar á ferð um heiðina við eftirlit og viðhald fasteigna. Við Arnarvatns litla gengu þeir fram á afar slælega umgengni veiðimanna eftir ábendingu frá öðrum veiðimönnum sem vart áttu orð til að lýsa vanþóknun sinni. „Þarna höfðu veiðimenn reynt að flaka um 70 væna silunga, en farist verkið illa úr hendi og svosem ekkert við því að segja að menn kunni ekki að flaka fisk. Afganginum af fiskinum, beinagarðinum og mest öllu kjötinu einnig, hentu þeir hins vegar út í vatnið framundan tjaldstæðinu en slíkt gengur náttúrlega ekki,“ segir Snorri í samtali við Skessuhorn. Hann segir umgengni sem þessa sem betur fer vera fáséðan sóðaskap. „Ég verð að viðurkenna að ég hef ekki áður séð slíka umgengni fyrr. Líklegt verður að teljast að hafa megi uppá þeim sem svona gengu um og eru ákveðnar vísbendingar um hverjir voru þarna við veiðar,“ sagði Snorri. Hann og Guðmundur tóku sig svo til og tíndu fiskana upp úr vatninu og komu í ruslagám niður í byggð, sem veiðimennirnir áttu að sjálfsögðu sjálfir að gera. Þá er alls ekki úr vegi að benda veiðimönnum í leiðinni á að leita sér upplýsinga um flökun á fiski til að veiðin nýtist betur en í þessu tilfelli þar sem allt að 80% af kjötinu var eftir þegar búið var að flaka fiskinn. Frétt fengin af vef Skessuhorns. Stangveiði Mest lesið Ertu eiginkona veiðimanns? Veiði Góðar göngur og fín veiði í Elliðaánum Veiði 110 sm lax sá stærsti í sumar Veiði Sjáðu laxana í teljaranum í Búðarfossi Veiði Eltast við allt að 60 punda laxa Veiði Bannað að veiða á nóttunni á Þingvöllum Veiði Gæsaveiðin hófst í gær Veiði Miðfjarðará: Fín opnun en aðstæður erfiðar Veiði Úrkomuleysið farið að hafa mikil áhrif Veiði Gæsaveiðin gengur vel um allt land Veiði
Í gærkvöldi voru Snorri Jóhannesson veiðivörður og Guðmundur Kristinsson formaður Veiðifélags Arnarvatnsheiðar á ferð um heiðina við eftirlit og viðhald fasteigna. Við Arnarvatns litla gengu þeir fram á afar slælega umgengni veiðimanna eftir ábendingu frá öðrum veiðimönnum sem vart áttu orð til að lýsa vanþóknun sinni. „Þarna höfðu veiðimenn reynt að flaka um 70 væna silunga, en farist verkið illa úr hendi og svosem ekkert við því að segja að menn kunni ekki að flaka fisk. Afganginum af fiskinum, beinagarðinum og mest öllu kjötinu einnig, hentu þeir hins vegar út í vatnið framundan tjaldstæðinu en slíkt gengur náttúrlega ekki,“ segir Snorri í samtali við Skessuhorn. Hann segir umgengni sem þessa sem betur fer vera fáséðan sóðaskap. „Ég verð að viðurkenna að ég hef ekki áður séð slíka umgengni fyrr. Líklegt verður að teljast að hafa megi uppá þeim sem svona gengu um og eru ákveðnar vísbendingar um hverjir voru þarna við veiðar,“ sagði Snorri. Hann og Guðmundur tóku sig svo til og tíndu fiskana upp úr vatninu og komu í ruslagám niður í byggð, sem veiðimennirnir áttu að sjálfsögðu sjálfir að gera. Þá er alls ekki úr vegi að benda veiðimönnum í leiðinni á að leita sér upplýsinga um flökun á fiski til að veiðin nýtist betur en í þessu tilfelli þar sem allt að 80% af kjötinu var eftir þegar búið var að flaka fiskinn. Frétt fengin af vef Skessuhorns.
Stangveiði Mest lesið Ertu eiginkona veiðimanns? Veiði Góðar göngur og fín veiði í Elliðaánum Veiði 110 sm lax sá stærsti í sumar Veiði Sjáðu laxana í teljaranum í Búðarfossi Veiði Eltast við allt að 60 punda laxa Veiði Bannað að veiða á nóttunni á Þingvöllum Veiði Gæsaveiðin hófst í gær Veiði Miðfjarðará: Fín opnun en aðstæður erfiðar Veiði Úrkomuleysið farið að hafa mikil áhrif Veiði Gæsaveiðin gengur vel um allt land Veiði