Allar með í 90 mínútur í sigri Djurgården

Guðbjörg Gunnarsdóttir, Katrín Jónsdóttir og Dóra María Lárusdóttir spiluðu allan leikinn með Djurgården þegar liðið vann 1-0 heimasigur á Hammarby IF í sænsku kvennadeildinni í dag.

Þetta var annar sigurleikur Djurgården í röð og sá þriðji í fimm leikjum á tímabilinu. Guðbjörg náði þarna að halda marki sínu í fyrsta sinn í sænsku deildinni í ár en hún varði ellefu skot í leiknum.

Mia Jalkerud skoraði sigurmark Djurgården strax á 11. mínútu leiksins eftir að hafa fengið sendingu frá Alexandra Höglund.