Eignir lífeyrissjóða nálgast 2.000 milljarða

Hrein eign lífeyrissjóða var 1.949 milljarða kr. í lok febrúar og hækkaði um 13,7 milljarða kr. í mánuðinum eða um 0,7%.

Þetta kemur fram á vefsíðu Hagstofunnar. Þar segir að innlend verðbréfaeign hækkaði um 14,2 milljarða kr. og nam rúmlega 1.374 milljörðum kr. í lok mánaðarins.

Erlend verðbréfaeign nam um 487 milljarða kr. í lok febrúar og hækkaði um rúma 6 milljarða kr. frá fyrri mánuði. Sjóður og bankainnstæður lækkuðu hins vegar um rúma 7 milljarða kr.

Vert er að taka fram að enn er nokkur óvissa um endanlegt mat á eignum lífeyrissjóðanna.